1Οι κυριοι, το δικαιον και την ισοτητα τοις δουλοις παρεχεσθε, ειδοτες οτι και υμεις εχετε Κυριον εν ουρανῳ. 2Τῃ προσευχῃ προσκαρτερειτε, γρηγορουντες εν αυτῃ εν ευχαριστιᾳ, 3προσευχομενοι αμα και περι ημων, ινα ο Θεος ανοιξῃ ημιν θυραν του λογου, λαλησαι το μυστηριον του Χριστου, δι ο και δεδεμαι, 4ινα φανερωσω αυτο ως δει με λαλησαι. 5Εν σοφιᾳ περιπατειτε προς τους εξω, τον καιρον εξαγοραζομενοι. 6ο λογος υμων παντοτε εν χαριτι, αλατι ηρτυμενος, ειδεναι πως δει υμας ενι εκαστῳ αποκρινεσθαι. 7Τα κατ εμε παντα γνωρισει υμιν Τυχικος ο αγαπητος αδελφος και πιστος διακονος και συνδουλος εν Κυριῳ, 8ον επεμψα προς υμας εις αυτο τουτο, ινα γνωτε τα περι ημων και παρακαλεσῃ τας καρδιας υμων, 9συν Ονησιμῳ τῳ πιστῳ και αγαπητῳ αδελφῳ, ος εστιν εξ υμων· παντα υμιν γνωρισουσιν τα ωδε. 10Ασπαζεται υμας Αρισταρχος ο συναιχμαλωτος μου, και Μαρκος ο ανεψιος Βαρναβα, (περι ου ελαβετε εντολας, εαν ελθῃ προς υμας, δεξασθε αυτον,) 11και Ιησους ο λεγομενος Ιουστος, οι οντες εκ περιτομης ουτοι μονοι συνεργοι εις την βασιλειαν του Θεου, οιτινες εγενηθησαν μοι παρηγορια. 12ασπαζεται υμας Επαφρας ο εξ υμων, δουλος Χριστου Ιησου, παντοτε αγωνιζομενος υπερ υμων εν ταις προσευχαις, ινα σταθητε τελειοι και πεπληροφορημενοι εν παντι θεληματι του Θεου. 13μαρτυρω γαρ αυτῳ οτι εχει πολυν πονον υπερ υμων και των εν Λαοδικιᾳ και των εν Ιεραπολει. 14ασπαζεται υμας Λουκας ο ιατρος ο αγαπητος και Δημας. 15Ασπασασθε τους εν Λαοδικιᾳ αδελφους και Νυμφαν και την κατ οικον αυτης εκκλησιαν. 16και οταν αναγνωσθῃ παρ υμιν η επιστολη, ποιησατε ινα και εν τῃ Λαοδικεων εκκλησιᾳ αναγνωσθῃ, και την εκ Λαοδικιας ινα και υμεις αναγνωτε. 17και ειπατε Αρχιππῳ Βλεπε την διακονιαν ην παρελαβες εν Κυριῳ, ινα αυτην πληροις. 18Ο ασπασμος τῃ εμῃ χειρι Παυλου. μνημονευετε μου των δεσμων. η χαρις μεθ υμων.