1Ει ουν συνηγερθητε τῳ Χριστῳ, τα ανω ζητειτε, ου ο Χριστος εστιν εν δεξιᾳ του Θεου καθημενος· 2τα ανω φρονειτε, μη τα επι της γης. 3απεθανετε γαρ, και η ζωη υμων κεκρυπται συν τῳ Χριστῳ εν τῳ Θεῳ· 4οταν ο Χριστος φανερωθῃ, η ζωη ημων, τοτε και υμεις συν αυτῳ φανερωθησεσθε εν δοξῃ. 5Νεκρωσατε ουν τα μελη τα επι της γης, πορνειαν, ακαθαρσιαν, παθος, επιθυμιαν κακην, και την πλεονεξιαν ητις εστιν ειδωλολατρεια, 6δι α ερχεται η οργη του Θεου· 7εν οις και υμεις περιεπατησατε ποτε, οτε εζητε εν τουτοις· 8νυνι δε αποθεσθε και υμεις τα παντα, οργην, θυμον, κακιαν, βλασφημιαν, αισχρολογιαν εκ του στοματος υμων· 9μη ψευδεσθε εις αλληλους, απεκδυσαμενοι τον παλαιον ανθρωπον συν ταις πραξεσιν αυτου, 10και ενδυσαμενοι τον νεον τον ανακαινουμενον εις επιγνωσιν κατ εικονα του κτισαντος αυτον, 11οπου ουκ ενι Ελλην και Ιουδαιος, περιτομη και ακροβυστια, βαρβαρος, Σκυθης, δουλος, ελευθερος, αλλα παντα και εν πασιν Χριστος. 12Ενδυσασθε ουν, ως εκλεκτοι του Θεου αγιοι και ηγαπημενοι, σπλαγχνα οικτιρμου, χρηστοτητα, ταπεινοφροσυνην, πραυτητα, μακροθυμιαν, 13ανεχομενοι αλληλων και χαριζομενοι εαυτοις, εαν τις προς τινα εχῃ μομφην· καθως και ο Κυριος εχαρισατο υμιν ουτως και υμεις· 14επι πασιν δε τουτοις την αγαπην, ο εστιν συνδεσμος της τελειοτητος. 15και η ειρηνη του Χριστου βραβευετω εν ταις καρδιαις υμων, εις ην και εκληθητε εν ενι σωματι· και ευχαριστοι γινεσθε. 16ο λογος του Χριστου ενοικειτω εν υμιν πλουσιως, εν πασῃ σοφιᾳ· διδασκοντες και νουθετουντες εαυτους, ψαλμοις υμνοις ῳδαις πνευματικαις εν τῃ χαριτι ᾳδοντες εν ταις καρδιαις υμων τῳ Θεῳ· 17και παν ο τι εαν ποιητε εν λογῳ η εν εργῳ, παντα εν ονοματι Κυριου Ιησου, ευχαριστουντες τῳ Θεῳ Πατρι δι αυτου. 18Αι γυναικες, υποτασσεσθε τοις ανδρασιν, ως ανηκεν εν Κυριῳ. 19Οι ανδρες, αγαπατε τας γυναικας και μη πικραινεσθε προς αυτας. 20Τα τεκνα, υπακουετε τοις γονευσιν κατα παντα, τουτο γαρ ευαρεστον εστιν εν Κυριῳ. 21Οι πατερες, μη ερεθιζετε τα τεκνα υμων, ινα μη αθυμωσιν. 22Οι δουλοι, υπακουετε κατα παντα τοις κατα σαρκα κυριοις, μη εν οφθαλμοδουλιαις, ως ανθρωπαρεσκοι, αλλ εν απλοτητι καρδιας φοβουμενοι τον Κυριον. 23ο εαν ποιητε, εκ ψυχης εργαζεσθε ως τῳ Κυριῳ και ουκ ανθρωποις, 24ειδοτες οτι απο Κυριου απολημψεσθε την ανταποδοσιν της κληρονομιας. τῳ Κυριῳ Χριστῳ δουλευετε· 25ο γαρ αδικων κομισεται ο ηδικησεν, και ουκ εστιν προσωπολημψια.