1Παυλος αποστολος Χριστου Ιησου δια θεληματος Θεου και Τιμοθεος ο αδελφος 2τοις εν Κολοσσαις αγιοις και πιστοις αδελφοις εν Χριστῳ· χαρις υμιν και ειρηνη απο Θεου Πατρος ημων. 3Ευχαριστουμεν τῳ Θεῳ Πατρι του Κυριου ημων Ιησου Χριστου παντοτε περι υμων προσευχομενοι, 4ακουσαντες την πιστιν υμων εν Χριστῳ Ιησου και την αγαπην ην εχετε εις παντας τους αγιους 5δια την ελπιδα την αποκειμενην υμιν εν τοις ουρανοις, ην προηκουσατε εν τῳ λογῳ της αληθειας του ευαγγελιου 6του παροντος εις υμας, καθως και εν παντι τῳ κοσμῳ εστιν καρποφορουμενον και αυξανομενον καθως και εν υμιν, αφ ης ημερας ηκουσατε και επεγνωτε την χαριν του Θεου εν αληθειᾳ· 7καθως εμαθετε απο Επαφρα του αγαπητου συνδουλου ημων, ος εστιν πιστος υπερ υμων διακονος του Χριστου, 8ο και δηλωσας ημιν την υμων αγαπην εν Πνευματι. 9Δια τουτο και ημεις, αφ ης ημερας ηκουσαμεν, ου παυομεθα υπερ υμων προσευχομενοι και αιτουμενοι ινα πληρωθητε την επιγνωσιν του θεληματος αυτου εν πασῃ σοφιᾳ και συνεσει πνευματικῃ, 10περιπατησαι αξιως του Κυριου εις πασαν αρεσκειαν, εν παντι εργῳ αγαθῳ καρποφορουντες και αυξανομενοι τῃ επιγνωσει του Θεου, 11εν πασῃ δυναμει δυναμουμενοι κατα το κρατος της δοξης αυτου εις πασαν υπομονην και μακροθυμιαν, μετα χαρας 12ευχαριστουντες τῳ Πατρι τῳ ικανωσαντι υμας εις την μεριδα του κληρου των αγιων εν τῳ φωτι· 13ος ερυσατο ημας εκ της εξουσιας του σκοτους και μετεστησεν εις την βασιλειαν του Υιου της αγαπης αυτου, 14εν ῳ εχομεν την απολυτρωσιν, την αφεσιν των αμαρτιων· 15ος εστιν εικων του Θεου του αορατου, πρωτοτοκος πασης κτισεως, 16οτι εν αυτῳ εκτισθη τα παντα εν τοις ουρανοις και επι της γης, τα ορατα και τα αορατα, ειτε θρονοι ειτε κυριοτητες ειτε αρχαι ειτε εξουσιαι· τα παντα δι αυτου και εις αυτον εκτισται· 17και αυτος εστιν προ παντων και τα παντα εν αυτῳ συνεστηκεν, 18και αυτος εστιν η κεφαλη του σωματος, της εκκλησιας· ος εστιν αρχη, πρωτοτοκος εκ των νεκρων, ινα γενηται εν πασιν αυτος πρωτευων, 19οτι εν αυτῳ ευδοκησεν παν το πληρωμα κατοικησαι 20και δι αυτου αποκαταλλαξαι τα παντα εις αυτον, ειρηνοποιησας δια του αιματος του σταυρου αυτου, δι αυτου ειτε τα επι της γης ειτε τα εν τοις ουρανοις. 21και υμας ποτε οντας απηλλοτριωμενους και εχθρους τῃ διανοιᾳ εν τοις εργοις τοις πονηροις, 22νυνι δε αποκατηλλαξεν εν τῳ σωματι της σαρκος αυτου δια του θανατου, παραστησαι υμας αγιους και αμωμους και ανεγκλητους κατενωπιον αυτου, 23ει γε επιμενετε τῃ πιστει τεθεμελιωμενοι και εδραιοι και μη μετακινουμενοι απο της ελπιδος του ευαγγελιου ου ηκουσατε, του κηρυχθεντος εν πασῃ κτισει τῃ υπο τον ουρανον, ου εγενομην εγω Παυλος διακονος. 24Νυν χαιρω εν τοις παθημασιν υπερ υμων, και ανταναπληρω τα υστερηματα των θλιψεων του Χριστου εν τῃ σαρκι μου υπερ του σωματος αυτου, ο εστιν η εκκλησια, 25ης εγενομην εγω διακονος κατα την οικονομιαν του Θεου την δοθεισαν μοι εις υμας πληρωσαι τον λογον του Θεου, 26το μυστηριον το αποκεκρυμμενον απο των αιωνων και απο των γενεων— νυν δε εφανερωθη τοις αγιοις αυτου, 27οις ηθελησεν ο Θεος γνωρισαι τι το πλουτος της δοξης του μυστηριου τουτου εν τοις εθνεσιν, ος εστιν Χριστος εν υμιν, η ελπις της δοξης· 28ον ημεις καταγγελλομεν νουθετουντες παντα ανθρωπον και διδασκοντες παντα ανθρωπον εν πασῃ σοφιᾳ, ινα παραστησωμεν παντα ανθρωπον τελειον εν Χριστῳ· 29εις ο και κοπιω αγωνιζομενος κατα την ενεργειαν αυτου την ενεργουμενην εν εμοι εν δυναμει.