1Τον μεν πρωτον λογον εποιησαμην περι παντων, ω Θεοφιλε, ων ηρξατο ο Ιησους ποιειν τε και διδασκειν, 2αχρι ης ημερας εντειλαμενος τοις αποστολοις δια Πνευματος Αγιου ους εξελεξατο ανελημφθη· 3οις και παρεστησεν εαυτον ζωντα μετα το παθειν αυτον εν πολλοις τεκμηριοις, δι ημερων τεσσερακοντα οπτανομενος αυτοις και λεγων τα περι της βασιλειας του Θεου· 4και συναλιζομενος παρηγγειλεν αυτοις απο Ιεροσολυμων μη χωριζεσθαι, αλλα περιμενειν την επαγγελιαν του Πατρος ην ηκουσατε μου· 5οτι Ιωανης μεν εβαπτισεν υδατι, υμεις δε εν Πνευματι βαπτισθησεσθε Αγιῳ ου μετα πολλας ταυτας ημερας. 6Οι μεν ουν συνελθοντες ηρωτων αυτον λεγοντες Κυριε, ει εν τῳ χρονῳ τουτῳ αποκαθιστανεις την βασιλειαν τῳ Ισραηλ; 7ειπεν προς αυτους Ουχ υμων εστιν γνωναι χρονους η καιρους ους ο Πατηρ εθετο εν τῃ ιδιᾳ εξουσιᾳ, 8αλλα λημψεσθε δυναμιν επελθοντος του Αγιου Πνευματος εφ υμας, και εσεσθε μου μαρτυρες εν τε Ιερουσαλημ και εν πασῃ τῃ Ιουδαιᾳ και Σαμαριᾳ και εως εσχατου της γης. 9και ταυτα ειπων βλεποντων αυτων επηρθη, και νεφελη υπελαβεν αυτον απο των οφθαλμων αυτων. 10και ως ατενιζοντες ησαν εις τον ουρανον πορευομενου αυτου, και ιδου ανδρες δυο παρειστηκεισαν αυτοις εν εσθησεσι λευκαις, 11οι και ειπαν Ανδρες Γαλιλαιοι, τι εστηκατε βλεποντες εις τον ουρανον; ουτος ο Ιησους ο αναλημφθεις αφ υμων εις τον ουρανον ουτως ελευσεται ον τροπον εθεασασθε αυτον πορευομενον εις τον ουρανον. 12Τοτε υπεστρεψαν εις Ιερουσαλημ απο ορους του καλουμενου Ελαιωνος, ο εστιν εγγυς Ιερουσαλημ σαββατου εχον οδον. 13και οτε εισηλθον, εις το υπερῳον ανεβησαν ου ησαν καταμενοντες, ο τε Πετρος και Ιωανης και Ιακωβος και Ανδρεας, Φιλιππος και Θωμας, Βαρθολομαιος και Μαθθαιος, Ιακωβος Αλφαιου και Σιμων ο Ζηλωτης και Ιουδας Ιακωβου. 14ουτοι παντες ησαν προσκαρτερουντες ομοθυμαδον τῃ προσευχῃ συν γυναιξιν και Μαριαμ τῃ μητρι του Ιησου και συν τοις αδελφοις αυτου. 15Και εν ταις ημεραις ταυταις αναστας Πετρος εν μεσῳ των αδελφων ειπεν· ην τε οχλος ονοματων επι το αυτο ωσει εκατον εικοσι 16Ανδρες αδελφοι, εδει πληρωθηναι την γραφην ην προειπεν το Πνευμα το Αγιον δια στοματος Δαυειδ περι Ιουδα του γενομενου οδηγου τοις συλλαβουσιν Ιησουν, 17οτι κατηριθμημενος ην εν ημιν και ελαχεν τον κληρον της διακονιας ταυτης. 18ουτος μεν ουν εκτησατο χωριον εκ μισθου της αδικιας, και πρηνης γενομενος ελακησεν μεσος, και εξεχυθη παντα τα σπλαγχνα αυτου· 19και γνωστον εγενετο πασι τοις κατοικουσιν Ιερουσαλημ, ωστε κληθηναι το χωριον εκεινο τῃ ιδιᾳ διαλεκτῳ αυτων Ακελδαμαχ, τουτ εστιν Χωριον αιματος. 20γεγραπται γαρ εν βιβλῳ Ψαλμων Γενηθητω η επαυλις αυτου ερημος και μη εστω ο κατοικων εν αυτῃ, και Την επισκοπην αυτου λαβετω ετερος. 21δει ουν των συνελθοντων ημιν ανδρων εν παντι χρονῳ ῳ εισηλθεν και εξηλθεν εφ ημας ο Κυριος Ιησους, 22αρξαμενος απο του βαπτισματος Ιωανου εως της ημερας ης ανελημφθη αφ ημων, μαρτυρα της αναστασεως αυτου συν ημιν γενεσθαι ενα τουτων. 23Και εστησαν δυο, Ιωσηφ τον καλουμενον Βαρσαββαν, ος επεκληθη Ιουστος, και Μαθθιαν. 24και προσευξαμενοι ειπαν Συ Κυριε καρδιογνωστα παντων, αναδειξον ον εξελεξω εκ τουτων των δυο ενα 25λαβειν τον τοπον της διακονιας ταυτης και αποστολης, αφ ης παρεβη Ιουδας πορευθηναι εις τον τοπον τον ιδιον. 26και εδωκαν κληρους αυτοις, και επεσεν ο κληρος επι Μαθθιαν, και συνκατεψηφισθη μετα των ενδεκα αποστολων.