1Παυλος αποστολος Χριστου Ιησου δια θεληματος Θεου κατ επαγγελιαν ζωης της εν Χριστῳ Ιησου 2Τιμοθεῳ αγαπητῳ τεκνῳ· χαρις, ελεος, ειρηνη απο Θεου Πατρος και Χριστου Ιησου του Κυριου ημων. 3Χαριν εχω τῳ Θεῳ, ῳ λατρευω απο προγονων εν καθαρᾳ συνειδησει, ως αδιαλειπτον εχω την περι σου μνειαν εν ταις δεησεσιν μου νυκτος και ημερας, 4επιποθων σε ιδειν, μεμνημενος σου των δακρυων, ινα χαρας πληρωθω, 5υπομνησιν λαβων της εν σοι ανυποκριτου πιστεως, ητις ενῳκησεν πρωτον εν τῃ μαμμῃ σου Λωιδι και τῃ μητρι σου Ευνικῃ, πεπεισμαι δε οτι και εν σοι. 6Δι ην αιτιαν αναμιμνῃσκω σε αναζωπυρειν το χαρισμα του Θεου, ο εστιν εν σοι δια της επιθεσεως των χειρων μου. 7ου γαρ εδωκεν ημιν ο Θεος πνευμα δειλιας, αλλα δυναμεως και αγαπης και σωφρονισμου. 8Μη ουν επαισχυνθῃς το μαρτυριον του Κυριου ημων μηδε εμε τον δεσμιον αυτου, αλλα συνκακοπαθησον τῳ ευαγγελιῳ κατα δυναμιν Θεου, 9του σωσαντος ημας και καλεσαντος κλησει αγιᾳ, ου κατα τα εργα ημων αλλα κατα ιδιαν προθεσιν και χαριν, την δοθεισαν ημιν εν Χριστῳ Ιησου προ χρονων αιωνιων, 10φανερωθεισαν δε νυν δια της επιφανειας του Σωτηρος ημων Χριστου Ιησου, καταργησαντος μεν τον θανατον φωτισαντος δε ζωην και αφθαρσιαν δια του ευαγγελιου, 11εις ο ετεθην εγω κηρυξ και αποστολος και διδασκαλος· 12δι ην αιτιαν και ταυτα πασχω, αλλ ουκ επαισχυνομαι, οιδα γαρ ῳ πεπιστευκα, και πεπεισμαι οτι δυνατος εστιν την παραθηκην μου φυλαξαι εις εκεινην την ημεραν. 13υποτυπωσιν εχε υγιαινοντων λογων ων παρ εμου ηκουσας εν πιστει και αγαπῃ τῃ εν Χριστῳ Ιησου· 14την καλην παραθηκην φυλαξον δια Πνευματος Αγιου του ενοικουντος εν ημιν. 15Οιδας τουτο, οτι απεστραφησαν με παντες οι εν τῃ Ασιᾳ, ων εστιν Φυγελος και Ερμογενης. 16δῳη ελεος ο Κυριος τῳ Ονησιφορου οικῳ, οτι πολλακις με ανεψυξεν, και την αλυσιν μου ουκ επαισχυνθη, 17αλλα γενομενος εν Ρωμῃ σπουδαιως εζητησεν με και ευρεν·— 18δῳη αυτῳ ο Κυριος ευρειν ελεος παρα Κυριου εν εκεινῃ τῃ ημερᾳ·— και οσα εν Εφεσῳ διηκονησεν, βελτιον συ γινωσκεις.