1Το λοιπον προσευχεσθε, αδελφοι, περι ημων, ινα ο λογος του Κυριου τρεχῃ και δοξαζηται καθως και προς υμας, 2και ινα ρυσθωμεν απο των ατοπων και πονηρων ανθρωπων· ου γαρ παντων η πιστις. 3Πιστος δε εστιν ο Κυριος, ος στηριξει υμας και φυλαξει απο του πονηρου. 4πεποιθαμεν δε εν Κυριῳ εφ υμας, οτι α παραγγελλομεν και ποιειτε και ποιησετε. 5Ο δε Κυριος κατευθυναι υμων τας καρδιας εις την αγαπην του Θεου και εις την υπομονην του Χριστου. 6Παραγγελλομεν δε υμιν, αδελφοι, εν ονοματι του Κυριου Ιησου Χριστου στελλεσθαι υμας απο παντος αδελφου ατακτως περιπατουντος και μη κατα την παραδοσιν ην παρελαβετε παρ ημων. 7αυτοι γαρ οιδατε πως δει μιμεισθαι ημας, οτι ουκ ητακτησαμεν εν υμιν, 8ουδε δωρεαν αρτον εφαγομεν παρα τινος, αλλ εν κοπῳ και μοχθῳ νυκτος και ημερας εργαζομενοι προς το μη επιβαρησαι τινα υμων· 9ουχ οτι ουκ εχομεν εξουσιαν, αλλ ινα εαυτους τυπον δωμεν υμιν εις το μιμεισθαι ημας. 10και γαρ οτε ημεν προς υμας, τουτο παρηγγελλομεν υμιν, οτι ει τις ου θελει εργαζεσθαι, μηδε εσθιετω. 11ακουομεν γαρ τινας περιπατουντας εν υμιν ατακτως, μηδεν εργαζομενους αλλα περιεργαζομενους· 12τοις δε τοιουτοις παραγγελλομεν και παρακαλουμεν εν Κυριῳ Ιησου Χριστῳ ινα μετα ησυχιας εργαζομενοι τον εαυτων αρτον εσθιωσιν. 13Υμεις δε, αδελφοι, μη εγκακησητε καλοποιουντες. 14ει δε τις ουχ υπακουει τῳ λογῳ ημων δια της επιστολης, τουτον σημειουσθε, μη συναναμιγνυσθαι αυτῳ, ινα εντραπῃ· 15και μη ως εχθρον ηγεισθε, αλλα νουθετειτε ως αδελφον. 16Αυτος δε ο Κυριος της ειρηνης δῳη υμιν την ειρηνην δια παντος εν παντι τροπῳ. ο Κυριος μετα παντων υμων. 17Ο ασπασμος τῃ εμῃ χειρι Παυλου, ο εστιν σημειον εν πασῃ επιστολῃ· ουτως γραφω. 18η χαρις του Κυριου ημων Ιησου Χριστου μετα παντων υμων.