1Παυλος και Σιλουανος και Τιμοθεος τῃ εκκλησιᾳ Θεσσαλονικεων εν Θεῳ Πατρι ημων και Κυριῳ Ιησου Χριστῳ· 2χαρις υμιν και ειρηνη απο Θεου Πατρος και Κυριου Ιησου Χριστου. 3Ευχαριστειν οφειλομεν τῳ Θεῳ παντοτε περι υμων, αδελφοι, καθως αξιον εστιν, οτι υπεραυξανει η πιστις υμων και πλεοναζει η αγαπη ενος εκαστου παντων υμων εις αλληλους, 4ωστε αυτους ημας εν υμιν ενκαυχασθαι εν ταις εκκλησιαις του Θεου υπερ της υπομονης υμων και πιστεως εν πασιν τοις διωγμοις υμων και ταις θλιψεσιν αις ανεχεσθε, 5ενδειγμα της δικαιας κρισεως του Θεου, εις το καταξιωθηναι υμας της βασιλειας του Θεου, υπερ ης και πασχετε, 6ειπερ δικαιον παρα Θεῳ ανταποδουναι τοις θλιβουσιν υμας θλιψιν 7και υμιν τοις θλιβομενοις ανεσιν μεθ ημων, εν τῃ αποκαλυψει του Κυριου Ιησου απ ουρανου μετ αγγελων δυναμεως αυτου 8εν πυρι φλογος, διδοντος εκδικησιν τοις μη ειδοσιν Θεον και τοις μη υπακουουσιν τῳ ευαγγελιῳ του Κυριου ημων Ιησου, 9οιτινες δικην τισουσιν ολεθρον αιωνιον απο προσωπου του Κυριου και απο της δοξης της ισχυος αυτου, 10οταν ελθῃ ενδοξασθηναι εν τοις αγιοις αυτου και θαυμασθηναι εν πασιν τοις πιστευσασιν, οτι επιστευθη το μαρτυριον ημων εφ υμας, εν τῃ ημερᾳ εκεινῃ. 11Εις ο και προσευχομεθα παντοτε περι υμων, ινα υμας αξιωσῃ της κλησεως ο Θεος ημων και πληρωσῃ πασαν ευδοκιαν αγαθωσυνης και εργον πιστεως εν δυναμει, 12οπως ενδοξασθῃ το ονομα του Κυριου ημων Ιησου εν υμιν, και υμεις εν αυτῳ, κατα την χαριν του Θεου ημων και Κυριου Ιησου Χριστου.