1Συμεων Πετρος δουλος και αποστολος Ιησου Χριστου τοις ισοτιμον ημιν λαχουσιν πιστιν εν δικαιοσυνῃ του Θεου ημων και Σωτηρος Ιησου Χριστου· 2χαρις υμιν και ειρηνη πληθυνθειη εν επιγνωσει του Θεου και Ιησου του Κυριου ημων. 3Ως τα παντα ημιν της θειας δυναμεως αυτου τα προς ζωην και ευσεβειαν δεδωρημενης δια της επιγνωσεως του καλεσαντος ημας ιδιᾳ δοξῃ και αρετῃ, 4δι ων τα τιμια και μεγιστα ημιν επαγγελματα δεδωρηται, ινα δια τουτων γενησθε θειας κοινωνοι φυσεως, αποφυγοντες της εν τῳ κοσμῳ εν επιθυμιᾳ φθορας. 5και αυτο τουτο δε σπουδην πασαν παρεισενεγκαντες επιχορηγησατε εν τῃ πιστει υμων την αρετην, εν δε τῃ αρετῃ την γνωσιν, 6εν δε τῃ γνωσει την εγκρατειαν, εν δε τῃ εγκρατειᾳ την υπομονην, εν δε τῃ υπομονῃ την ευσεβειαν, 7εν δε τῃ ευσεβειᾳ την φιλαδελφιαν, εν δε τῃ φιλαδελφιᾳ την αγαπην. 8ταυτα γαρ υμιν υπαρχοντα και πλεοναζοντα ουκ αργους ουδε ακαρπους καθιστησιν εις την του Κυριου ημων Ιησου Χριστου επιγνωσιν· 9ῳ γαρ μη παρεστιν ταυτα, τυφλος εστιν μυωπαζων, ληθην λαβων του καθαρισμου των παλαι αυτου αμαρτιων. 10διο μαλλον, αδελφοι, σπουδασατε βεβαιαν υμων την κλησιν και εκλογην ποιεισθαι· ταυτα γαρ ποιουντες ου μη πταισητε ποτε. 11ουτως γαρ πλουσιως επιχορηγηθησεται υμιν η εισοδος εις την αιωνιον βασιλειαν του Κυριου ημων και Σωτηρος Ιησου Χριστου. 12Διο μελλησω αει υμας υπομιμνῃσκειν περι τουτων, καιπερ ειδοτας και εστηριγμενους εν τῃ παρουσῃ αληθειᾳ. 13δικαιον δε ηγουμαι, εφ οσον ειμι εν τουτῳ τῳ σκηνωματι, διεγειρειν υμας εν υπομνησει, 14ειδως οτι ταχινη εστιν η αποθεσις του σκηνωματος μου, καθως και ο Κυριος ημων Ιησους Χριστος εδηλωσεν μοι· 15σπουδασω δε και εκαστοτε εχειν υμας μετα την εμην εξοδον την τουτων μνημην ποιεισθαι. 16ου γαρ σεσοφισμενοις μυθοις εξακολουθησαντες εγνωρισαμεν υμιν την του Κυριου ημων Ιησου Χριστου δυναμιν και παρουσιαν, αλλ εποπται γενηθεντες της εκεινου μεγαλειοτητος. 17λαβων γαρ παρα Θεου Πατρος τιμην και δοξαν φωνης ενεχθεισης αυτῳ τοιασδε υπο της μεγαλοπρεπους δοξης Ο Υιος μου ο αγαπητος μου ουτος εστιν, εις ον εγω ευδοκησα,— 18και ταυτην την φωνην ημεις ηκουσαμεν εξ ουρανου ενεχθεισαν συν αυτῳ οντες εν τῳ αγιῳ ορει. 19και εχομεν βεβαιοτερον τον προφητικον λογον, ῳ καλως ποιειτε προσεχοντες ως λυχνῳ φαινοντι εν αυχμηρῳ τοπῳ, εως ου ημερα διαυγασῃ και φωσφορος ανατειλῃ εν ταις καρδιαις υμων· 20τουτο πρωτον γινωσκοντες, οτι πασα προφητεια γραφης ιδιας επιλυσεως ου γινεται· 21ου γαρ θεληματι ανθρωπου ηνεχθη προφητεια ποτε, αλλα υπο Πνευματος Αγιου φερομενοι ελαλησαν απο Θεου ανθρωποι.