1Ο πρεσβυτερος εκλεκτῃ κυριᾳ και τοις τεκνοις αυτης, ους εγω αγαπω εν αληθειᾳ, και ουκ εγω μονος αλλα και παντες οι εγνωκοτες την αληθειαν, 2δια την αληθειαν την μενουσαν εν ημιν, και μεθ ημων εσται εις τον αιωνα. 3εσται μεθ ημων χαρις ελεος ειρηνη παρα Θεου Πατρος, και παρα Ιησου Χριστου του Υιου του Πατρος, εν αληθειᾳ και αγαπῃ. 4Εχαρην λιαν οτι ευρηκα εκ των τεκνων σου περιπατουντας εν αληθειᾳ, καθως εντολην ελαβομεν παρα του Πατρος. 5και νυν ερωτω σε, κυρια, ουχ ως εντολην γραφων σοι καινην, αλλα ην ειχαμεν απ αρχης, ινα αγαπωμεν αλληλους. 6και αυτη εστιν η αγαπη, ινα περιπατωμεν κατα τας εντολας αυτου· αυτη η εντολη εστιν, καθως ηκουσατε απ αρχης, ινα εν αυτῃ περιπατητε. 7οτι πολλοι πλανοι εξηλθον εις τον κοσμον, οι μη ομολογουντες Ιησουν Χριστον ερχομενον εν σαρκι· ουτος εστιν ο πλανος και ο αντιχριστος. 8βλεπετε εαυτους, ινα μη απολεσητε α ηργασαμεθα, αλλα μισθον πληρη απολαβητε. 9πας ο προαγων και μη μενων εν τῃ διδαχῃ του Χριστου Θεον ουκ εχει· ο μενων εν τῃ διδαχῃ, ουτος και τον Πατερα και τον Υιον εχει. 10ει τις ερχεται προς υμας και ταυτην την διδαχην ου φερει, μη λαμβανετε αυτον εις οικιαν, και χαιρειν αυτῳ μη λεγετε· 11ο λεγων γαρ αυτῳ χαιρειν κοινωνει τοις εργοις αυτου τοις πονηροις. 12Πολλα εχων υμιν γραφειν ουκ εβουληθην δια χαρτου και μελανος, αλλα ελπιζω γενεσθαι προς υμας και στομα προς στομα λαλησαι, ινα η χαρα ημων πεπληρωμενη ῃ. 13Ασπαζεται σε τα τεκνα της αδελφης σου της εκλεκτης.