1Δια τουτο, εχοντες την διακονιαν ταυτην, καθως ηλεηθημεν, ουκ εγκακουμεν, 2αλλα απειπαμεθα τα κρυπτα της αισχυνης, μη περιπατουντες εν πανουργιᾳ μηδε δολουντες τον λογον του Θεου, αλλα τῃ φανερωσει της αληθειας συνιστανοντες εαυτους προς πασαν συνειδησιν ανθρωπων ενωπιον του Θεου. 3ει δε και εστιν κεκαλυμμενον το ευαγγελιον ημων, εν τοις απολλυμενοις εστιν κεκαλυμμενον, 4εν οις ο θεος του αιωνος τουτου ετυφλωσεν τα νοηματα των απιστων εις το μη αυγασαι τον φωτισμον του ευαγγελιου της δοξης του Χριστου, ος εστιν εικων του Θεου. 5ου γαρ εαυτους κηρυσσομεν αλλα Χριστον Ιησουν Κυριον, εαυτους δε δουλους υμων δια Ιησουν. 6οτι ο Θεος ο ειπων Εκ σκοτους φως λαμψει, ος ελαμψεν εν ταις καρδιαις ημων προς φωτισμον της γνωσεως της δοξης του Θεου εν προσωπῳ Χριστου. 7Εχομεν δε τον θησαυρον τουτον εν οστρακινοις σκευεσιν, ινα η υπερβολη της δυναμεως ῃ του Θεου και μη εξ ημων· 8εν παντι θλιβομενοι αλλ ου στενοχωρουμενοι, απορουμενοι αλλ ουκ εξαπορουμενοι, 9διωκομενοι αλλ ουκ εγκαταλειπομενοι, καταβαλλομενοι αλλ ουκ απολλυμενοι, 10παντοτε την νεκρωσιν του Ιησου εν τῳ σωματι περιφεροντες, ινα και η ζωη του Ιησου εν τῳ σωματι ημων φανερωθῃ· 11αει γαρ ημεις οι ζωντες εις θανατον παραδιδομεθα δια Ιησουν, ινα και η ζωη του Ιησου φανερωθῃ εν τῃ θνητῃ σαρκι ημων. 12ωστε ο θανατος εν ημιν ενεργειται, η δε ζωη εν υμιν. 13εχοντες δε το αυτο πνευμα της πιστεως, κατα το γεγραμμενον Επιστευσα, διο ελαλησα, και ημεις πιστευομεν, διο και λαλουμεν, 14ειδοτες οτι ο εγειρας τον Κυριον Ιησουν και ημας συν Ιησου εγερει και παραστησει συν υμιν. 15τα γαρ παντα δι υμας, ινα η χαρις πλεονασασα δια των πλειονων την ευχαριστιαν περισσευσῃ εις την δοξαν του Θεου. 16Διο ουκ εγκακουμεν, αλλ ει και ο εξω ημων ανθρωπος διαφθειρεται, αλλ ο εσω ημων ανακαινουται ημερᾳ και ημερᾳ. 17το γαρ παραυτικα ελαφρον της θλιψεως καθ υπερβολην εις υπερβολην αιωνιον βαρος δοξης κατεργαζεται ημιν, 18μη σκοπουντων ημων τα βλεπομενα αλλα τα μη βλεπομενα· τα γαρ βλεπομενα προσκαιρα, τα δε μη βλεπομενα αιωνια.