1Καυχασθαι δει· ου συμφερον μεν, ελευσομαι δε εις οπτασιας και αποκαλυψεις Κυριου. 2οιδα ανθρωπον εν Χριστῳ προ ετων δεκατεσσαρων, —ειτε εν σωματι ουκ οιδα, ειτε εκτος του σωματος ουκ οιδα, ο Θεος οιδεν, —αρπαγεντα τον τοιουτον εως τριτου ουρανου. 3και οιδα τον τοιουτον ανθρωπον —ειτε εν σωματι ειτε χωρις του σωματος ουκ οιδα, ο Θεος οιδεν,— 4οτι ηρπαγη εις τον Παραδεισον και ηκουσεν αρρητα ρηματα α ουκ εξον ανθρωπῳ λαλησαι. 5υπερ του τοιουτου καυχησομαι, υπερ δε εμαυτου ου καυχησομαι ει μη εν ταις ασθενειαις. 6εαν γαρ θελησω καυχησασθαι, ουκ εσομαι αφρων, αληθειαν γαρ ερω· φειδομαι δε, μη τις εις εμε λογισηται υπερ ο βλεπει με η ακουει εξ εμου 7και τῃ υπερβολῃ των αποκαλυψεων. διο ινα μη υπεραιρωμαι, εδοθη μοι σκολοψ τῃ σαρκι, αγγελος Σατανα, ινα με κολαφιζῃ, ινα μη υπεραιρωμαι. 8υπερ τουτου τρις τον Κυριον παρεκαλεσα, ινα αποστῃ απ εμου. 9και ειρηκεν μοι Αρκει σοι η χαρις μου· η γαρ δυναμις εν ασθενειᾳ τελειται. Ηδιστα ουν μαλλον καυχησομαι εν ταις ασθενειαις, ινα επισκηνωσῃ επ εμε η δυναμις του Χριστου. 10διο ευδοκω εν ασθενειαις, εν υβρεσιν, εν αναγκαις, εν διωγμοις και στενοχωριαις, υπερ Χριστου· οταν γαρ ασθενω, τοτε δυνατος ειμι. 11Γεγονα αφρων· υμεις με ηναγκασατε. εγω γαρ ωφειλον υφ υμων συνιστασθαι. ουδεν γαρ υστερησα των υπερλιαν αποστολων, ει και ουδεν ειμι. 12τα μεν σημεια του αποστολου κατειργασθη εν υμιν εν πασῃ υπομονῃ, σημειοις τε και τερασιν και δυναμεσιν. 13τι γαρ εστιν ο ησσωθητε υπερ τας λοιπας εκκλησιας, ει μη οτι αυτος εγω ου κατεναρκησα υμων; χαρισασθε μοι την αδικιαν ταυτην. 14Ιδου τριτον τουτο ετοιμως εχω ελθειν προς υμας, και ου καταναρκησω· ου γαρ ζητω τα υμων αλλα υμας. ου γαρ οφειλει τα τεκνα τοις γονευσιν θησαυριζειν, αλλα οι γονεις τοις τεκνοις. 15εγω δε ηδιστα δαπανησω και εκδαπανηθησομαι υπερ των ψυχων υμων. ει περισσοτερως υμας αγαπω, ησσον αγαπωμαι; 16Εστω δε, εγω ου κατεβαρησα υμας· αλλα υπαρχων πανουργος δολῳ υμας ελαβον. 17μη τινα ων απεσταλκα προς υμας, δι αυτου επλεονεκτησα υμας; 18παρεκαλεσα Τιτον και συναπεστειλα τον αδελφον· μητι επλεονεκτησεν υμας Τιτος; ου τῳ αυτῳ Πνευματι περιεπατησαμεν; ου τοις αυτοις ιχνεσιν; 19Παλαι δοκειτε οτι υμιν απολογουμεθα. κατεναντι Θεου εν Χριστῳ λαλουμεν· τα δε παντα, αγαπητοι, υπερ της υμων οικοδομης. 20φοβουμαι γαρ μη πως ελθων ουχ οιους θελω ευρω υμας, καγω ευρεθω υμιν οιον ου θελετε, μη πως ερις, ζηλος, θυμοι, εριθειαι, καταλαλιαι, ψιθυρισμοι, φυσιωσεις, ακαταστασιαι· 21μη παλιν ελθοντος μου ταπεινωσῃ με ο Θεος μου προς υμας, και πενθησω πολλους των προημαρτηκοτων και μη μετανοησαντων επι τῃ ακαθαρσιᾳ και πορνειᾳ και ασελγειᾳ ῃ επραξαν.