1Παυλος και Σιλουανος και Τιμοθεος τῃ εκκλησιᾳ Θεσσαλονικεων εν Θεῳ Πατρι και Κυριῳ Ιησου Χριστῳ· χαρις υμιν και ειρηνη. 2Ευχαριστουμεν τῳ Θεῳ παντοτε περι παντων υμων, μνειαν ποιουμενοι επι των προσευχων ημων, αδιαλειπτως 3μνημονευοντες υμων του εργου της πιστεως και του κοπου της αγαπης και της υπομονης της ελπιδος του Κυριου ημων Ιησου Χριστου εμπροσθεν του Θεου και Πατρος ημων, 4ειδοτες, αδελφοι ηγαπημενοι υπο του Θεου, την εκλογην υμων, 5οτι το ευαγγελιον ημων ουκ εγενηθη εις υμας εν λογῳ μονον, αλλα και εν δυναμει και εν Πνευματι Αγιῳ και πληροφοριᾳ πολλῃ, καθως οιδατε οιοι εγενηθημεν εν υμιν δι υμας. 6και υμεις μιμηται ημων εγενηθητε και του Κυριου, δεξαμενοι τον λογον εν θλιψει πολλῃ μετα χαρας Πνευματος Αγιου, 7ωστε γενεσθαι υμας τυπον πασιν τοις πιστευουσιν εν τῃ Μακεδονιᾳ και εν τῃ Αχαιᾳ. 8αφ υμων γαρ εξηχηται ο λογος του Κυριου ου μονον εν τῃ Μακεδονιᾳ και Αχαιᾳ, αλλ εν παντι τοπῳ η πιστις υμων η προς τον Θεον εξεληλυθεν, ωστε μη χρειαν εχειν ημας λαλειν τι· 9αυτοι γαρ περι ημων απαγγελλουσιν οποιαν εισοδον εσχομεν προς υμας, και πως επεστρεψατε προς τον Θεον απο των ειδωλων δουλευειν Θεῳ ζωντι και αληθινῳ, 10και αναμενειν τον Υιον αυτου εκ των ουρανων, ον ηγειρεν εκ των νεκρων, Ιησουν τον ρυομενον ημας εκ της οργης της ερχομενης.