1Τολμᾳ τις υμων πραγμα εχων προς τον ετερον κρινεσθαι επι των αδικων, και ουχι επι των αγιων; 2η ουκ οιδατε οτι οι αγιοι τον κοσμον κρινουσιν; και ει εν υμιν κρινεται ο κοσμος, αναξιοι εστε κριτηριων ελαχιστων; 3ουκ οιδατε οτι αγγελους κρινουμεν, μητιγε βιωτικα; 4βιωτικα μεν ουν κριτηρια εαν εχητε, τους εξουθενημενους εν τῃ εκκλησιᾳ, τουτους καθιζετε; 5προς εντροπην υμιν λεγω. ουτως ουκ ενι εν υμιν ουδεις σοφος, ος δυνησεται διακριναι ανα μεσον του αδελφου αυτου; 6αλλα αδελφος μετα αδελφου κρινεται, και τουτο επι απιστων; 7ηδη μεν ουν ολως ηττημα υμιν εστιν οτι κριματα εχετε μεθ εαυτων. δια τι ουχι μαλλον αδικεισθε; δια τι ουχι μαλλον αποστερεισθε; 8αλλα υμεις αδικειτε και αποστερειτε, και τουτο αδελφους. 9η ουκ οιδατε οτι αδικοι Θεου βασιλειαν ου κληρονομησουσιν; μη πλανασθε· ουτε πορνοι ουτε ειδωλολατραι ουτε μοιχοι ουτε μαλακοι ουτε αρσενοκοιται 10ουτε κλεπται ουτε πλεονεκται, ου μεθυσοι, ου λοιδοροι, ουχ αρπαγες βασιλειαν Θεου κληρονομησουσιν. 11και ταυτα τινες ητε· αλλα απελουσασθε, αλλα ηγιασθητε, αλλα εδικαιωθητε εν τῳ ονοματι του Κυριου Ιησου Χριστου και εν τῳ Πνευματι του Θεου ημων. 12Παντα μοι εξεστιν, αλλ ου παντα συμφερει. παντα μοι εξεστιν, αλλ ουκ εγω εξουσιασθησομαι υπο τινος. 13τα βρωματα τῃ κοιλιᾳ, και η κοιλια τοις βρωμασιν· ο δε Θεος και ταυτην και ταυτα καταργησει. το δε σωμα ου τῃ πορνειᾳ αλλα τῳ Κυριῳ, και ο Κυριος τῳ σωματι· 14ο δε Θεος και τον Κυριον ηγειρεν και ημας εξεγερει δια της δυναμεως αυτου. 15ουκ οιδατε οτι τα σωματα υμων μελη Χριστου εστιν; αρας ουν τα μελη του Χριστου ποιησω πορνης μελη; μη γενοιτο. 16η ουκ οιδατε οτι ο κολλωμενος τῃ πορνῃ εν σωμα εστιν; Εσονται γαρ, φησιν, οι δυο εις σαρκα μιαν. 17ο δε κολλωμενος τῳ Κυριῳ εν πνευμα εστιν. 18φευγετε την πορνειαν. παν αμαρτημα ο εαν ποιησῃ ανθρωπος εκτος του σωματος εστιν· ο δε πορνευων εις το ιδιον σωμα αμαρτανει. 19η ουκ οιδατε οτι το σωμα υμων ναος του εν υμιν Αγιου Πνευματος εστιν, ου εχετε απο Θεου; και ουκ εστε εαυτων; 20ηγορασθητε γαρ τιμης· δοξασατε δη τον Θεον εν τῳ σωματι υμων.