1Ολως ακουεται εν υμιν πορνεια, και τοιαυτη πορνεια ητις ουδε εν τοις εθνεσιν, ωστε γυναικα τινα του πατρος εχειν. 2και υμεις πεφυσιωμενοι εστε, και ουχι μαλλον επενθησατε, ινα αρθῃ εκ μεσου υμων ο το εργον τουτο πραξας; 3εγω μεν γαρ, απων τῳ σωματι παρων δε τῳ πνευματι, ηδη κεκρικα ως παρων τον ουτως τουτο κατεργασαμενον 4εν τῳ ονοματι του Κυριου Ιησου συναχθεντων υμων και του εμου πνευματος συν τῃ δυναμει του Κυριου ημων Ιησου, 5παραδουναι τον τοιουτον τῳ Σατανᾳ εις ολεθρον της σαρκος, ινα το πνευμα σωθῃ εν τῃ ημερᾳ του Κυριου. 6Ου καλον το καυχημα υμων. ουκ οιδατε οτι μικρα ζυμη ολον το φυραμα ζυμοι; 7εκκαθαρατε την παλαιαν ζυμην, ινα ητε νεον φυραμα, καθως εστε αζυμοι. και γαρ το πασχα ημων ετυθη Χριστος. 8ωστε εορταζωμεν, μη εν ζυμῃ παλαιᾳ μηδε εν ζυμῃ κακιας και πονηριας, αλλ εν αζυμοις ειλικρινιας και αληθειας. 9Εγραψα υμιν εν τῃ επιστολῃ μη συναναμιγνυσθαι πορνοις, 10ου παντως τοις πορνοις του κοσμου τουτου η τοις πλεονεκταις και αρπαξιν η ειδωλολατραις, επει ωφειλετε αρα εκ του κοσμου εξελθειν. 11νυν δε εγραψα υμιν μη συναναμιγνυσθαι εαν τις αδελφος ονομαζομενος ῃ πορνος η πλεονεκτης η ειδωλολατρης η λοιδορος η μεθυσος η αρπαξ, τῳ τοιουτῳ μηδε συνεσθιειν. 12τι γαρ μοι τους εξω κρινειν; ουχι τους εσω υμεις κρινετε; 13τους δε εξω ο Θεος κρινει. εξαρατε τον πονηρον εξ υμων αυτων.