1Ουτως ημας λογιζεσθω ανθρωπος ως υπηρετας Χριστου και οικονομους μυστηριων Θεου.
2ωδε λοιπον ζητειται εν τοις οικονομοις ινα πιστος τις ευρεθῃ.
3εμοι δε εις ελαχιστον εστιν ινα υφ υμων ανακριθω η υπο ανθρωπινης ημερας· αλλ ουδε εμαυτον ανακρινω·
4ουδεν γαρ εμαυτῳ συνοιδα, αλλ ουκ εν τουτῳ δεδικαιωμαι· ο δε ανακρινων με Κυριος εστιν.
5ωστε μη προ καιρου τι κρινετε, εως αν ελθῃ ο Κυριος, ος και φωτισει τα κρυπτα του σκοτους και φανερωσει τας βουλας των καρδιων· και τοτε ο επαινος γενησεται εκαστῳ απο του Θεου.
6Ταυτα δε, αδελφοι, μετεσχηματισα εις εμαυτον και Απολλων δι υμας, ινα εν ημιν μαθητε το Μη υπερ α γεγραπται, ινα μη εις υπερ του ενος φυσιουσθε κατα του ετερου.
7τις γαρ σε διακρινει; τι δε εχεις ο ουκ ελαβες; ει δε και ελαβες, τι καυχασαι ως μη λαβων;
8ηδη κεκορεσμενοι εστε· ηδη επλουτησατε· χωρις ημων εβασιλευσατε· και οφελον γε εβασιλευσατε, ινα και ημεις υμιν συνβασιλευσωμεν.
9δοκω γαρ, ο Θεος ημας τους αποστολους εσχατους απεδειξεν ως επιθανατιους, οτι θεατρον εγενηθημεν τῳ κοσμῳ και αγγελοις και ανθρωποις.
10ημεις μωροι δια Χριστον, υμεις δε φρονιμοι εν Χριστῳ· ημεις ασθενεις, υμεις δε ισχυροι· υμεις ενδοξοι, ημεις δε ατιμοι.
11αχρι της αρτι ωρας και πεινωμεν και διψωμεν και γυμνιτευομεν και κολαφιζομεθα και αστατουμεν
12και κοπιωμεν εργαζομενοι ταις ιδιαις χερσιν· λοιδορουμενοι ευλογουμεν, διωκομενοι ανεχομεθα,
13δυσφημουμενοι παρακαλουμεν· ως περικαθαρματα του κοσμου εγενηθημεν, παντων περιψημα εως αρτι.
14Ουκ εντρεπων υμας γραφω ταυτα, αλλ ως τεκνα μου αγαπητα νουθετων.
15εαν γαρ μυριους παιδαγωγους εχητε εν Χριστῳ, αλλ ου πολλους πατερας· εν γαρ Χριστῳ Ιησου δια του ευαγγελιου εγω υμας εγεννησα.
16παρακαλω ουν υμας, μιμηται μου γινεσθε.
17Δια τουτο αυτο επεμψα υμιν Τιμοθεον, ος εστιν μου τεκνον αγαπητον και πιστον εν Κυριῳ, ος υμας αναμνησει τας οδους μου τας εν Χριστῳ Ιησου, καθως πανταχου εν πασῃ εκκλησιᾳ διδασκω.
18ως μη ερχομενου δε μου προς υμας εφυσιωθησαν τινες·
19ελευσομαι δε ταχεως προς υμας, εαν ο Κυριος θελησῃ, και γνωσομαι ου τον λογον των πεφυσιωμενων αλλα την δυναμιν·
20ου γαρ εν λογῳ η βασιλεια του Θεου, αλλ εν δυναμει.
21τι θελετε; εν ραβδῳ ελθω προς υμας, η εν αγαπῃ πνευματι τε πραυτητος;