1Παυλος κλητος αποστολος Χριστου Ιησου δια θεληματος Θεου και Σωσθενης ο αδελφος 2τῃ εκκλησιᾳ του Θεου τῃ ουσῃ εν Κορινθῳ, ηγιασμενοις εν Χριστῳ Ιησου, κλητοις αγιοις, συν πασιν τοις επικαλουμενοις το ονομα του Κυριου ημων Ιησου Χριστου εν παντι τοπῳ, αυτων και ημων· 3χαρις υμιν και ειρηνη απο Θεου Πατρος ημων και Κυριου Ιησου Χριστου. 4Ευχαριστω τῳ Θεῳ παντοτε περι υμων επι τῃ χαριτι του Θεου τῃ δοθεισῃ υμιν εν Χριστῳ Ιησου, 5οτι εν παντι επλουτισθητε εν αυτῳ, εν παντι λογῳ και πασῃ γνωσει, 6καθως το μαρτυριον του Χριστου εβεβαιωθη εν υμιν, 7ωστε υμας μη υστερεισθαι εν μηδενι χαρισματι, απεκδεχομενους την αποκαλυψιν του Κυριου ημων Ιησου Χριστου· 8ος και βεβαιωσει υμας εως τελους ανεγκλητους εν τῃ ημερᾳ του Κυριου ημων Ιησου Χριστου. 9πιστος ο Θεος, δι ου εκληθητε εις κοινωνιαν του Υιου αυτου Ιησου Χριστου του Κυριου ημων. 10Παρακαλω δε υμας, αδελφοι, δια του ονοματος του Κυριου ημων Ιησου Χριστου, ινα το αυτο λεγητε παντες, και μη ῃ εν υμιν σχισματα, ητε δε κατηρτισμενοι εν τῳ αυτῳ νοι και εν τῃ αυτῃ γνωμῃ. 11εδηλωθη γαρ μοι περι υμων, αδελφοι μου, υπο των Χλοης, οτι εριδες εν υμιν εισιν. 12λεγω δε τουτο, οτι εκαστος υμων λεγει Εγω μεν ειμι Παυλου, Εγω δε Απολλω, Εγω δε Κηφα, Εγω δε Χριστου. 13μεμερισται ο Χριστος; μη Παυλος εσταυρωθη υπερ υμων, η εις το ονομα Παυλου εβαπτισθητε; 14ευχαριστω οτι ουδενα υμων εβαπτισα ει μη Κρισπον και Γαιον· 15ινα μη τις ειπῃ οτι εις το εμον ονομα εβαπτισθητε. 16εβαπτισα δε και τον Στεφανα οικον· λοιπον ουκ οιδα ει τινα αλλον εβαπτισα. 17ου γαρ απεστειλεν με Χριστος βαπτιζειν αλλα ευαγγελιζεσθαι, ουκ εν σοφιᾳ λογου, ινα μη κενωθῃ ο σταυρος του Χριστου. 18Ο λογος γαρ ο του σταυρου τοις μεν απολλυμενοις μωρια εστιν, τοις δε σῳζομενοις ημιν δυναμις Θεου εστιν. 19γεγραπται γαρ Απολω την σοφιαν των σοφων, και την συνεσιν των συνετων αθετησω. 20που σοφος; που γραμματευς; που συνζητητης του αιωνος τουτου; ουχι εμωρανεν ο Θεος την σοφιαν του κοσμου; 21επειδη γαρ εν τῃ σοφιᾳ του Θεου ουκ εγνω ο κοσμος δια της σοφιας τον Θεον, ευδοκησεν ο Θεος δια της μωριας του κηρυγματος σωσαι τους πιστευοντας. 22επειδη και Ιουδαιοι σημεια αιτουσιν και Ελληνες σοφιαν ζητουσιν, 23ημεις δε κηρυσσομεν Χριστον εσταυρωμενον, Ιουδαιοις μεν σκανδαλον, εθνεσιν δε μωριαν, 24αυτοις δε τοις κλητοις, Ιουδαιοις τε και Ελλησιν, Χριστον Θεου δυναμιν και Θεου σοφιαν. 25οτι το μωρον του Θεου σοφωτερον των ανθρωπων εστιν, και το ασθενες του Θεου ισχυροτερον των ανθρωπων. 26Βλεπετε γαρ την κλησιν υμων, αδελφοι, οτι ου πολλοι σοφοι κατα σαρκα, ου πολλοι δυνατοι, ου πολλοι ευγενεις· 27αλλα τα μωρα του κοσμου εξελεξατο ο Θεος ινα καταισχυνῃ τους σοφους, και τα ασθενη του κοσμου εξελεξατο ο Θεος ινα καταισχυνῃ τα ισχυρα, 28και τα αγενη του κοσμου και τα εξουθενημενα εξελεξατο ο Θεος, τα μη οντα, ινα τα οντα καταργησῃ, 29οπως μη καυχησηται πασα σαρξ ενωπιον του Θεου. 30εξ αυτου δε υμεις εστε εν Χριστῳ Ιησου, ος εγενηθη σοφια ημιν απο Θεου, δικαιοσυνη τε και αγιασμος και απολυτρωσις, 31ινα καθως γεγραπται Ο καυχωμενος εν Κυριῳ καυχασθω.