1ωδη ψαλμου τω δαυιδ ετοιμη η καρδια μου ο θεος ετοιμη η καρδια μου ασομαι και ψαλω εν τη δοξη μου
2εξεγερθητι ψαλτηριον και κιθαρα εξεγερθησομαι ορθρου
3εξομολογησομαι σοι εν λαοις κυριε και ψαλω σοι εν εθνεσιν
4οτι μεγα επανω των ουρανων το ελεος σου και εως των νεφελων η αληθεια σου
5υψωθητι επι τους ουρανους ο θεος και επι πασαν την γην η δοξα σου
6οπως αν ρυσθωσιν οι αγαπητοι σου σωσον τη δεξια σου και επακουσον μου
7ο θεος ελαλησεν εν τω αγιω αυτου υψωθησομαι και διαμεριω σικιμα και την κοιλαδα των σκηνων διαμετρησω
8εμος εστιν γαλααδ και εμος εστιν μανασση και εφραιμ αντιλημψις της κεφαλης μου ιουδας βασιλευς μου
9μωαβ λεβης της ελπιδος μου επι την ιδουμαιαν εκτενω το υποδημα μου εμοι αλλοφυλοι υπεταγησαν
10τις απαξει με εις πολιν περιοχης τις οδηγησει με εως της ιδουμαιας
11ουχι συ ο θεος ο απωσαμενος ημας και ουκ εξελευση ο θεος εν ταις δυναμεσιν ημων
12δος ημιν βοηθειαν εκ θλιψεως και ματαια σωτηρια ανθρωπου
13εν τω θεω ποιησομεν δυναμιν και αυτος εξουδενωσει τους εχθρους ημων