1και εν τω καιρω εκεινω αναστησεται μιχαηλ ο αρχων ο μεγας ο εστηκως επι τους υιους του λαου σου και εσται καιρος θλιψεως θλιψις οια ου γεγονεν αφ ου γεγενηται εθνος επι της γης εως του καιρου εκεινου και εν τω καιρω εκεινω σωθησεται ο λαος σου πας ο ευρεθεις γεγραμμενος εν τη βιβλω 2και πολλοι των καθευδοντων εν γης χωματι εξεγερθησονται ουτοι εις ζωην αιωνιον και ουτοι εις ονειδισμον και εις αισχυνην αιωνιον 3και οι συνιεντες εκλαμψουσιν ως η λαμπροτης του στερεωματος και απο των δικαιων των πολλων ως οι αστερες εις τους αιωνας και ετι 4και συ δανιηλ εμφραξον τους λογους και σφραγισον το βιβλιον εως καιρου συντελειας εως διδαχθωσιν πολλοι και πληθυνθη η γνωσις 5και ειδον εγω δανιηλ και ιδου δυο ετεροι ειστηκεισαν εις εντευθεν του χειλους του ποταμου και εις εντευθεν του χειλους του ποταμου 6και ειπεν τω ανδρι τω ενδεδυμενω τα βαδδιν ος ην επανω του υδατος του ποταμου εως ποτε το περας ων ειρηκας των θαυμασιων 7και ηκουσα του ανδρος του ενδεδυμενου τα βαδδιν ος ην επανω του υδατος του ποταμου και υψωσεν την δεξιαν αυτου και την αριστεραν αυτου εις τον ουρανον και ωμοσεν εν τω ζωντι τον αιωνα οτι εις καιρον καιρων και ημισυ καιρου εν τω συντελεσθηναι διασκορπισμον χειρος λαου ηγιασμενου γνωσονται παντα ταυτα 8και εγω ηκουσα και ου συνηκα και ειπα κυριε τι τα εσχατα τουτων 9και ειπεν δευρο δανιηλ οτι εμπεφραγμενοι και εσφραγισμενοι οι λογοι εως καιρου περας 10εκλεγωσιν και εκλευκανθωσιν και πυρωθωσιν πολλοι και ανομησωσιν ανομοι και ου συνησουσιν παντες ανομοι και οι νοημονες συνησουσιν 11και απο καιρου παραλλαξεως του ενδελεχισμου και του δοθηναι βδελυγμα ερημωσεως ημεραι χιλιαι διακοσιαι ενενηκοντα 12μακαριος ο υπομενων και φθασας εις ημερας χιλιας τριακοσιας τριακοντα πεντε 13και συ δευρο και αναπαυου ετι γαρ ημεραι εις αναπληρωσιν συντελειας και αναστηση εις τον κληρον σου εις συντελειαν ημερων