1እግዚኦ ፡ ኵነኔከ ፡ ሀቦ ፡ ለንጉሥ ፤
2ከመ ፡ ይኰንኖሙ ፡ ለሕዝብከ ፡ በጽድቅ ፤
3ይትወከፉ ፡ አድባር ፡ ወአውግር ፡ ሰላመ ፡ ሕዝብከ ።¶
4ኰንን ፡ በጽድቅ ፡ ነዳያነ ፡ ሕዝብከ ፡
5ወይጽናሕ ፡ ምስለ ፡ ፀሐይ ፤
6ወይወርድ ፡ ከመ ፡ ጠል ፡ ውስተ ፡ ፀምር ፤
7ወይሠርጽ ፡ ጽድቅ ፡ በመዋዕሊሁ ፤
8ወይኴንን ፡ እምባሕር ፡ እስከ ፡ ባሕር ፤
9ይገንዩ ፡ ቅድሜሁ ፡ ኢትዮጵያ ፤
10ነገሥተ ፡ ተርሴስ ፡ ወደሰያት ፡ አምኃ ፡ ያበውኡ ፤
11ወይሰግዱ ፡ ሎቱ ፡ ኵሎሙ ፡ ነገሥተ ፡ ምድር ፤
12እስመ ፡ አድኀኖ ፡ ለነዳይ ፡ እምእደ ፡ ዘይትዔገሎ ፤
13ወይምሕክ ፡ ነዳየ ፡ ወምስኪነ ፤
14እምርዴ ፡ ወእምትዕግልት ፡ ያድኅና ፡ ለነፍሶሙ ፤
15ወየሐዩ ፡ ወይሁብዎ ፡ እምወርቀ ፡ ዐረብ ፤
16ወይከውን ፡ ምስማከ ፡ ለኵሉ ፡ ምድር ፡
17ወይከውን ፡ ቡሩከ ፡ ስሙ ፡ ለዓለም ፡
18ወይትባረኩ ፡ ቦቱ ፡ ኵሎሙ ፡ አሕዛበ ፡ ምድር ፡
19ይትባረክ ፡ እግዚአብሔር ፡ አምላከ ፡ እስራኤል ፤
20ወይትባረክ ፡ ስመ ፡ ስብሓቲሁ ፡
21
22
23
24