1Аще не Господь созиждет дом, всуе трудишася зиждущии: аще не Господь сохранит град, всуе бде стрегий.
2Всуе вам есть утреневати: востанете по седении ядущии хлеб болезни, егда даст возлюбленным Своим сон.
3Се, достояние Господне сынове, мзда плода чревняго.
4Яко стрелы в руце сильнаго, тако сынове оттрясенных.
5Блажен, иже исполнит желание свое от них: не постыдятся, егда глаголют врагом своим во вратех.